الأرض تصرخ مليء جوفها تنتحب
كالأم تحضن طفلها اللي اندفن
من غير كفن وسط العفن
من غير ما يجي يقول لها كلمة وداع
.من غير ما يجي للقدر يهمس له همسة ..
يكلمه يا سيدي أمرك مطاع
الارض تهدر جوه قلب الأرض نار
تفجر البركان
يزلزل كل شيء حتى الديار
كالكلمة جوه الحلق يطحنها انكسار
تسرسب الدمعاية من جوف السما
ونعاود الرحلة الاليمة من محطة الانتظار
اماية يا امة بودعك وفاضلي ساعة ع الرحيل
اماية يا أمة بودعك والقطر ماشي بخطوته
.سابق خطا الزمن الطويل
كان لسه بدري ع النزول في محطتي
مه اصل يا أمه كان لسه مشواري طويل
كان لسه بدري قبل ما أمشي خطوتي
وتزلني قدمي وتضيع الحلم الجميل
اماية يا أمة بودعك والقطر ماشي وخطوته بالف دهر
والحلم ناسي سكته والدمع نهر
اماية يا أمة بودعك والعمر مبقاش فيه عمر
كان نفسي يا امة ابني ليكي بيت كبير
وسط ابراج الحمام
كان نفسي يا أمة التــ……..كلمتي خانت لساني
هزت الجملة كياني
زلزلتني ضيعت مني الكلام .
اماي اوعي تزعلي اننا سيبتك
وسط مفترق الطريق
اذكرني جوه قلبك لو شعرتي باي ضيق
واعرفي دايما يا أمي اننا كنت الصديق
لجل ما انزل في المحطة الجاية
من غير حسرة او الم
من غير م العن دنيتي و اعيش فِ بحر من الندم
اماية يا أمة بودعك وفاضلي ساعة ع الرحيل
المحطة قربت والقطر صفر لجل ما انزل
مقدرش اخالف كلمته دة كلام مقدر
كان نفسي اقولك كل كلمة تدور ف نفسي
نفسي اقولك اه بحبك قبل ما امشي
نفسي اقولك اذكرني …
اذكرني اوعي تنسي …..
الرئيسية 
اليومية
الخميس أغسطس 04, 2011 3:56 am من طرف زائر
موضوع: رسالة شهيد بقلم منال درويش 
