شوفو الشب لما بدو يطلع مع بنت شو بعمل في حالو

لشب الفايع لما يكون عنده موعد
مع بنت بصحى بدري عشان يلحق موعده الساعه اربعه , بيروح بحلق لحيته عند ابو العز الحلاق ، وبيخليه يعمل له سكسوكة أخر موديل يعني مقطعة مثل الخريطة اكيد الكل بيعرفها وينعّم له الرقبه , وبعدين بيطلع عند صاحبه الي وضعه المادي جيد.بيفوت على غرفته وطبعا صاحبه بيكون لسه صاحي من النوم ولابس شبّاح وشورت وشعره منكوش لكن بصحى عشان يجهّز صاحبه لل موعد... !!! بيفتح له الخزانه عشان ينقي منها لبسه مرتبه . بروح الشب بينقي قميص فايع وبنطلون جينز ساحل لويست مكوي وجاكيت بدله فايع. ولأنه نمره رجل صاحبه اصغر من نمرته, بيضطر الشب يجيب لصاحبه كندرة اخوه الكبير البوز رفيع , بس بيحكيله : من شان الله دير بالك عليها ما تفضحني وأوعك تغبرها ،

وبعدين بيفوت على الحمام وبيغسل شعره.... وبسشوره وبيحط واكس عليه وبوقفه مثل القنفذ ... وبيلبس الأواعي الفايعين وصاحبه طبعا بيسرق له عطر ابوه الشانيل عشان يرش منه رشتين وبعدين بتداين من صاحبه عشرين دينار لزوم الطلعه وبيطلع. طبعا وهو نازل الدرج من بيت صاحبه, صاحبه بيوصي فيه وصايا اللقاء الاول : بدي ياك اسد من اولها .

بيطلع الشب وبيمر على صاحبه الثاني ويبستلف منه سيارة كيا سيفيا نمره بيضه, على اساس انها سيارته, وبيمر على دكانة ابو عطا عشان بيشتري لأول مره بحياته علكه ستميرول او أكسترا وبكيت دخان مالبورو أحمر يعني على اساس فايع ل الله , وبيمر على صاحبه اللمبي لينك عشان يشحد منه تلفون n95
ساعتين زمن بدل تلفونه 3310
وبياخد البنت على الموعد وبيكون بكوفي شوب في الرابيه(مكان راقي جدا بالأردن), طبعا اول مره هو بيفوته.. وبيدخل بيسلم على الجرسون مباوسه على اساس انه زبون دائم في المحل قدام البنت اللي بتكون ماشيه جنبه ومش مصدقه انها تعرفت على شب جنتل وزوء مثله.

وبعد اللقاء الاول بيرجع كل شي متل ما كان ... وفي اللقاء الثاني بيطلع معها على منتزه عام وبشتريلها بعشر قروش ترمس وذرة وبيقعدو تحت شجره وبيحكيلها إنه باع السياره والخلوي, وان أواعيه مبهدلين عشان مروّح من الشغل وان أبوه بالمستشفى واضطر يدفع كل المصاري الي معاه لأبوه المريض !!

وهم مروحين بكون مفلس طبعا شو بيعمل!!!! بيحكيلها: والله وانا جاي بالتكسي طبعا بكون جاي بالسرفيس ضاع الجزدان وفي المصاري كلها طبعا شو اذا بتهز المحفظة تبعته وبتعصرها عصر ما بيطلع منها دينار واحد طول عمرو بياخد مصروف كول اسبوع 5 دنانير يا دوب يكفوا باكيت ل.م ويطلع مرة وحدة بالأسبوع لمكة مول حق تكسي
المهم شو بيعمل فكركوا هاد الفايع @_@
لا ما بيعمل شاي ههههههههه
كالعادة برخص وبيطلب منها مصاري يعني على اساس انه انقطع

وبياخد منها 10دنانير وبحكيلها بس اشوفك مرة تانية بعطيكي أياهم طبعا لا بعطيها ولا ما يحزنون وعلى هالحالة بيضلوا عبين ما يجمعلوا مبلغ محترم وبزحلقلها
وبيدور على وحدة ثانية تتطلع بسنحته يعني وجه هههههه

ههههههههههههههههههههههههههههههه
من الاااااااااااخر